প্ৰৰোচনত পৰি এচাম উদণ্ড মানুহ
দানব হোৱা দেখিলো।
তেনে দানবে একোখন সুস্থ, স্বচ্ছ সমাজ
চুৰমাৰ কৰাৰ কথা শুনিলো।
সাজি-কাচি মুকুট পিন্ধা বহু দানব
ধ্বংসৰ দাবানলত জ্বলি জ্বলি
চাৰখাৰ হোৱা বুৰঞ্জী পঢ়িলো।
তাতোকৈও ভয়াবহ•
গোলকীয় বাণিজ্যৰ প্ৰৰোচনা
য'ত মানুহৰ অন্তিম স্থান হ'ব পাৰে দাসত্ব¯
তেনে দাসত্বৰ প্ৰভুত্ব, দোপে দোপে বঢ়া দেখিছো
পৰিক্ৰমাৰ মেৰপেচত, শৃংখলিত হৈ
সজ, অসজ সকলো মানুহেই
নিজক কোঙা কৰাৰ প্ৰযুক্তি আয়ত্ব কৰিছো।
আৰু বাণিজ্যিক আবৰ্জনা বুটলি
ঘৰতে শোত খাব ধৰিছো।